مسسآء الخير .."
طبعاً انا سويت فيهآ إني سننعة ودخلت المطبخ .."
حبيت أعمممل حآجةة سويت .. فقررت اني اسوي مآفن المالتيزرز ..
قبلْ ما ادخل في الوصففة ومقاديرها ..
+ في شغغلة حأبةة اقوولههآ لآنو تفاجأت انو وانا اعمل الوصفةة
اخواتي يقولولي ايش تعمملي قولت : اعممل مافن ..
قالوا آهاااا .. ولما خلصت قالوا : آهاااا انتي سويتي كب كيكك ..!
فقولتلهم لا دا مافن مو كب كيكك ..!!؟ 


قالوا ايش الفرق يععني احنا نشوف انو شكلو شكل كب كيكك .. !!؟؟؟؟ 
فقلت اقوولكم هالمعلوممة يمكن في أحد غير أخواتي مو عارف 

الفرق بين المافن :Mafen او Muffins و الكب كيكك : Cupcake







الكب كيكك : Cupcake :
-هوا نفس الكيك اللي نعملوا في صينية كبيرة .. بس الفرق اننا نعملوا في صينية صيغيرة
تبع الكب كيكك عشان يكون تقديمها لشخص واحد .. وتتزين بأنواع الكريمات المختلفةة
- الكب كيكك طبعا بما انو هوا نفس الكيك الكبير يعني له نفس المقادير وتتعمل بنفس الطريقة
يعني : في الكيك لآزم اول شي نخفق الزبدة + السكر الين يصيروا زي الكريمة وبعد كدا نضيف
البيض وبعد كدا المكونات الجافة..


المافن :Mafen او Muffins :

- هوا في الأساس مسمى امريكي للخبز السريع اللي يتعمل في اكواب ورقية او صواني صغيرة
زي تبع الكب كيك .. والمافن ما يكون له درجة حلاوة الكب كيك وفي الأغلب ما يتزين بكريمات
من فووق زي الكب كيكك .. لأنو ع الأغلب يكون محشو بحشوات فيها حلاوة زي الشوكولاته
او التوفي ...الخ ..، > بس في الوصفة اللي انا عاملتها حيكون محشي + عملتلو كريمة 
- زي ماقولنا اسم المافن اطلقوه الامريكان على الخبز السريع يعني طريقة تحضيره
اسهل من الكب كيك من ناحية انو ما نحتاج اننا نخفق الزبدة + السكر في الأول ، مجرد
اننا نحط كل شي سائل ( بيض + حليب + زيت ..الخ ) مع بعض دفعة وحدةوبعدها نضيفها للمكونات الجافة ونخلطها بملعقة خشبية او بلآستيك ..
يعني المافن يعتمد ع البساطة + السسرععة ..
الكب كيك نآكلو وهوا دافئ - المافن يتقدم وهوا سآخن او بارد .." 
وكمآن خليط المآفن يكون بالعآدةة اثقل من خليط الكيك .. 





المقادير :
- واحد ونص كوب دقيق
- كوب مالتيزرز مكسّر ( انا حطيتو في كيس بلآستيك وكسّرتوا بالمطرقة الخشبية )
- نص كوب سكر ناعم
- ملعقة طعام باكينج باودر
- بيضة
- ثلاثة ارباع كوب كريمة حامضة
- ملعقة طعام فانيلا
- نص كوب زبدة مذابة
- ربع كوب حليب
= نص ملعقة طعام ملح
- حبات مالتيزرز كاملة للتزيين 


+ مقادير التغطية :
واحد ونص كوب سكر بودرة
ملعقة طعام حليب - 2 ملعقة شراب ذهبي
30 جرام زبدة في حرارة الغغرفةة ..


+ الطريقةة :


نحط المقادير الجافة في زبدية ( الدقيق + المالتيزرز المكسّر + السكر + الباكينج باورد +
الملح ) ونخلطهم بالملعقة..
نحط المقادير السائلة في زبدية منفصلة ( البيضة + الكريمة + الفانيليا + الزبدة + الحليب )
ونخلطهم بالملعقة .. بعد كدا نضيف المكونات السائلة للمكونات الجافة ونخلطهم بملعقة
خشبية او بلآستيك حتى يندمجوا مع بعض .
- نكون مسخنين الفرن من اول على درجة 180 ونخبزها لمدة 16 الى 20 دقيقة ..
وبعد كدا نخليها تبرد تماما ..

+ لصنع التغطية : 
نخلط جميع المكونات بالخفاقة الكهربائية الين تندمج وتصير كأنها كريمةة
نزين فيها حبات المافن وبعد كدا نزينها بحبات المالتيزرز الكآملة .






^ ويمي يمي دا شكلهااا من جوا 
هشة + مليانةة طعم غني بالمالتيزرز  
+