شكل التفاحة | Apple






شكل التفاحة ع الأغلب ثقيل من أعلى الجسم، الصدر كبير ، خط الخصر مو محدد ويكون 
اما قريب لحجم الورك او اكبر منه ، الورك ضيق، مقاس الأكتاف نفس مقاس الأوراك 
والساقين نحيفة وفي بعض الأحيان ومو دايما تكون منطقة البطن
مدورة خصوصا عند الممتلئات وهادي هيا نقطة ضعف هالشكل ..
طبعا احنا نتكلم عن شكل يعني ماله أي علاقة بالسمنة تحديد شكل الجسم يكون 
عن طريق هيئته او هيكله مو مستوى تراكم الشحوم فيه 
لأننا تعودنا انو شكل التفاحة = وحدة ممتلئة وهادا غلط ..،
فشكل التفاحة لما يزيد وزنها تتراكم الشحوم اكثر في
منطقة الخصر وهادا اللي يعطيها الشكل المدور والشبيه بالتفاحة 
بس اذا كونتي نحيفة وشكل جسمك تفاحة تقدري كمان تلبسي من تنسيقات الشكل المستطيل ،
نقطة القوة في هالشكل هيا الساقين عشان كدا تركزي عليها في ملابسك

عندنا مثال : درو باريمور Drew Barrymore ، انجلينا جولي Angelina Jolie ، كاثرين Catherine















هوا أكثر شكل صعب ، بس اكيد الوحدة تتعلم كيف تختار الأزياء المناسبة لجسمها 
وخصوصا اذا كنتي تفاحة نحيفة وزي ماقولنا هالشكل نقطة القوة فيه هيا الساقين ..
واذا كنتي ممتلئة حتصير نقطة الضعف هيا منطقة الوسط لكن كمان حتكون الساقين عندك
نحيفة ..وتبعدي بشكل عام عن الملآبس اللي تركز على منطقة الخصر عندك 
والمنطقة الوسطى بشكل عآم ..



الفساتين والتنانير | dresses and skirts








البسي الفساتين اللي تخلقلك خصر وتقسم جسمك من فوق ..




-واذا كنتي ممتلئة اختاري الفساتين اللي تغطي الوزن الزايد عندك
-حاولي كمان تركزي ع الفساتين اللي لها قصة على شكل مثلا V عشان تبرز خط العنق عندك..
وتقدري تضيفي حزام للفستان يكون تحت الصدر مو ع الخصر عشان يبرزلك المنطقة اكثر
ويقسم جسمك بشكل متساوي ، بالنسبة للطول المناسب للفساتين..!؟






البسي الفساتين القصيرة اللي توصل لنص الفخذ وعادي تقدري تلبسي 
تآيت او شراريب ضيقة 
بس تكون بلون فاتح عشان ماتعطي شكل انحف اكثر لساقيك..بالعكس تبرزهم ..






بالنسبة للتنانير افضل التنانير المناسبة لجسمك هيا التنانير اللي تجيك على شكلبوكس او صندوق
يعني مستقيمة ومع الكعب العالي حتعطي منظر جذااب لك ..
- مرة ابعدي ع تنانير الماكسي اللي تجيكي فضفاضة وفيها كِسرات ..
وخصوصا اذا كونتي ممتلئة حتعطيكي حجم اكبر وشكل ابشع.".


- تنانير الـ lowwaist او الخصر النازل مناسبة لكِ افضل من الـ highwaist اوالخصر المرتفع
لان اللي خصرها مرتفع حتبيّن حجم المنطقةالوسطىلكن الخصر النازل للتنورة حيعطيكي مظهر نحيف لمنطقة الخصر . 
- طبعا الملآبس الداخلية اللي تشكّل الجسم وتقسمه جدا مفيدة لكي البسيها تحت الفساتين.


[ بعض الازياء اللي تناسبك وماتناسبك عشان تتعرفي عليها اكثر ]







- البنطلون ع اليمين مايناسبك ..




^ التنانير هادي مناسبة لكِ =)




^ الفساتين هآدي مرة ماتناسبك فأبعدي عنها =(






البناطيل |Pants







عشان نخلق التوازن مابين الجزء العلوي والسفلي يفضل انك 
تلبسي البناطيل اللي لها قصة واسعة من تحت 
بس مو مرة واسعة لاننا كمان مانبغى نخفي نقطة القوة عندك واللي هيا الساقين ..





-ابعدي نهائيا عن الـ skinnyjeans جينزات الاسكيني لأنها حتعطي نحافة لساقك اكثر
وتبيّن انو الجزء العلوي اعرض الا في حالة انك لو لبستي سكيني ولبستي معاه بوت طويل 
فهنا البوت الطويل حيخلق حجم للساقين ،
او تلبسي من فوق بلوزة تكون فضفاضة وطويلة وتغطي الين تحت الخصر..،
او تلبسي معاه كعب عالي او يكون السكيني براق ومزخرف ..

بس افضل خيارين للبناطيل الجينز هيا اللي واسعة من تحت او اللي يسموها
Bootcut وكمان اللي يسموها wide leg اللي هيا كمان واسعة من تحت
نفس اللي في الصورة اللي أسفل ..:



طبعا كمان الشورتز مافي مشكلة تلبسيه بس إختاري اللي يناسبك





بعض البناطيل اللي تناسبك واللي ماتناسبك









البلايز والتي شيرتز | Tops




حاولي دايما تعطي طول للجزء العلوي فالبلايز اللي لها القصة v 
حتعطيكي طول جميل زي ماقولنا في الفساتين وتعطي كمان مظهر انحف 





-كمان البلآيز اللي تكون مطرزة مثلا من عند خط العنق او ع الكتف حتعطي حجم
لأطرافك اذا كانت نحيفة واي تفاصيل زي كدا
والأكمام اللي تجيكي لها حجم او منفوخة حتأدي الغرض كمان .





وحتى البلآيز اللي لها خصر محدد من تحت الصدر ويسموها imperial waistخصر الامبراطورية 
كمان حتكون روعة على جسمك ..لانها حتبرز الصدر وحتكون منسدلة الين تحت 
من غير ماتكون ضيقة على منطقة الوسط عندك..





بالنسبة للتي شيرتات تجنبي اللي تكون مرة مبهرجة من فوق او فيها خطوط بالعرض
او قصات كبيرة وطبقات كثيرة لانو الجزء العلوي عندك اعرض من اللي تحت فما تبغي كمان
تبيني هالتفاوت بينه وبين اللي الجزء السفلي بلبسك لهالقصات او هالنوع من التي شيرتات.





-القصة اللي ع شكل V جدا مناسبة وكمان الخطوط العامودية مناسبة لجسمك





بالنسبة اذا كونتي حابة تلبسي سترة فكمان اوقات الموضوع يعتمد على حجم صدرك 
فبشكل عام في أي شي تلبسيه من فوق المهم انو يكون منسدل وطويل لحد خصرك 
بس مايكون ضيق او ملتصق بجسمك ومو مشكلة اذا كانت ضيقة اوقات
بس تكون ماسكة ع االخصر ..فإذا كانت منطقة الصدر عندك مو كبيرة فلآ بأس ..
بس حاولي ماتبالغي في لبس التوبز اللي يكون مرة ضيقويفصل الجزء العلوي عن السفلي عندك..


القاعدة العامة من كل دا [ انو الـ TOPS مايكون مرة فضفاض ولايكون مرة ضيق ]


[ بعض الأزياء اللي تناسبك واللي ماتناسبك ]














^ هالبلآيز كلها تناسبك =)





^ وكمآن هالتشكيلة تناسب جسمك =)




الاكسسوارات | Accessories





تقريبا الاكسسوارات الكبيرة والحلق الكبير كمان حيكون مناسب لجسمك
حتى الاسكارف الملون بس يكون صغير مو طويل وحجمه كبير عشان مايعطي
حجم اضافي للمنطقة العلوية عندك ..





الأحذية | shoes





أي نوع من انواع البوتز الـBoots وخصوصا اللي توصل للركبة وفوق الركبة حتكون مثالية 
مع جسمك لأنها حتضيف حجم لجسمك وحـ تبان كأنها متناسبة مع الجزء العلوي 
بس تجنبي الكعب اللي يجيكي مرة عالي ونحيف لانو ساقك نحيفة وحيبينها انها مرة نحيفة اكثر





-كمان تجنبي الصنادل اللي تجيكي فيها حزام من فوق ع الكاحل وخصوصا اذا كانت عريضة 
تجنبي تلبسيه مع جينز سكيني لانك كمان حتبيني نحافة ساقك ..
يعني الموضوع كله يعتمد ع التناسب
بين اللي تلبسيه من ازياء وبين الحذاء المناسب ..وغير كدا اغلب الاحذية مناسبة لجسمك
لأن ساقك النحيفة حـ يليق عليها اغلب انواع الاحذية ...فأستمتعي بهالنقطة =)






[ تنسيق مقترح يمكن يساعدك ]







+ وبكدا أكون خلّصت إن شاء الله تستفيدو 


 +