كيفكم.. إن شاء الله الكل بخير يااربْ..
بكره آخر يووم إجازةة وبعدها دووام ..
أسبوعْ مرّ كأنو يووووم >
يالله ماعلينآ ..
أولاً وقبل كل شي ..قرّرت إني أنزّل بين وقت والتآني
> يععني على حسب المزآج والفضاوةة
تنسيق من ملآبسي .. > خفي علينا يا شآنيل
لا جد .. امممم قولت اتشارك الأفكآر مع البنوتات وكدا
وكمآن اشووف التعليقآت القميلة واللي مو قميلة كمان على الزي
اللي ما يعجبو التنسيق يعععني ينتقد بس بشويش هاا >
بما إننا في فترة الشتا حبيت أنزّل تنسيق تقريبا شتوي ..
وينفع كمآن في الأيام الخريفية .. وتقدرو تقلبوه صيفي او ربيعي
بمجرد ما تغيروا بس الجكيت او السترة ..
يالله نبدأ بالـ Top..
اول قطعة معايا هيّا بودي أبيض من برمود| Promod
كان وقتها عاملين عليه عرض وإذا ماخاب ظني أشتريتو بـ 49 ريال
فضفآض شوية يعني مو لآزق ع الجسم
وهالشي يعطيكي اريحية وشعور بالنععومة ..
نسّقت معآه هالسترة او الجآكيت الصوفية لونها Pink
بس مو بنك بنوتي > ههههه
بنك أنثوي .. انتبهوا لما تختارو درجة البنك يابنات ...
في لون بنكي يجيكم كدا كأنو حق بنات صغغار او اطفال مرررة ابعدو عنو
وفي لون بنكي يجيكم كدا لون غني ولذيذ..
يعطيكي انوثثة مو طفوولة وكمان التنسيق اللي حتعمليه معاه له دوور كبيييير
يعني في بنات ممكن يشترو بنكي جميييل بس ما تنسّق معاه الوان تعطيها نضج .
اتمنى فهمتو عليّا >
زي ما إنتو شايفين الجآكيت صوفي بس في خطوط شفافة
وهالشي يعطيكي إحساس انو الجآكيت خفيف ومو ثقيل أو حآر ..
وجداً نآآآآآآااااااااااعمْ وباااااااارد
اشتريتها من محل اسمو Stardust سعره بـ 139
نسّقت معآهم سكيني جينز |Skinny Jeans كمآن من برمود |Promod
لونه أزرق فاتح ومشقشق او فيه تشققات > الوصف متعوب عليه
سعره | 229 ريال
نسّقت معآه كعب | High heels من تشارلز آند كيث | CHARLES & KEITH
لونه Nude
وقتها كان عاملين تشارلز آند كيث تخفيضات كبيييييييرة وصلت لـ70%
والشوز دا وانتو بالككرامة اتوقع كان سعرو 200 وشي ..
أخذته بـ95 ريال بس >
نسّقت معآهم هالشنطة الجلد من آلدو | ALDO
لونها كونياك |Cognac
إشتريتها بـ 238 ريال
وهنا شكل القطع مع بعض عشان تشوفوا تناسق الألوان ..
بالنسبة للأكسسواريز .. ماصورت لكم ايش اللي لبستو >
بس بشكل عآم نسّقت معاهم اكسسواريز على ذذهبي عشان تعطي
الشكل النهائي لمسسة انيقة أكثثثر ...
وإنتو نسّقوا براحتكم .. حابين تلبسو مثلا سلسال صغير او طويل ..
دا يرجع لذوووقكم أكيييييد في إختيار الإكسسواريز ..
بس شخصيا أنا شفت انو الإكسسواريز الذهبي أعطى اللبس
أناقةة أكثثثثر .. وما صار اللبس كأنو باهت مثلا ومافيه شي كدا fresh..
أنا لبست حَلَق ذهبي ناعم وفيه كم حبة كرستالة ..
ولبست أكثر من خآتم متفاوتة الحجم في اصابعي ..
وبس دا كل شي وإن ششاء الله يكون عجبكم >
+
