سلطة الفتوش بالباذنجان

♥♥♥




سلطة الفتوش بالباذنجان ،











مسسْآء الخيرآتْ >

جيتكمْ اليوم بسسلطةةْ أعشششقههآ > 
وخليْت كل اللي حوووولي يعشقققووهآ  
سيطرة وإستبداد على رغبات الآخرين مررة مافي مجآل >
المهم خلونا نشوف المقادير لهالسلطةة اللزيزة ..، 


المقادير | Ingredients

(1) : 

- 4 حبآت خيار ( تقطع قطع صغيرة )
- 2 فلفل روومي ( شخصياً ما احطو في هالسلطة أفضّلها من غيرو بس إنتو ورغبتكم )
- حبة طماطم متوسطة ( أقطعها قطع صغيرة بعد أنظفها من اللب )
- 2 حبة باذنجان ( تقطع قطع صغيرة ونقليها وننشفها كويس من الزيت في ورق المطبخ )
- ربع حزمة بقدونس ( نفرمها بالسكين بس مو مرة ناعم يعنني وسط )
- 2 بصل أخضر ( نقطعها قطع صغيرة )


(2):

- خبز محمّص ( تقريبا أستخدم 6 او 7 حبات خبز توست بعد ما اقطع
الحواف البنية واحطها في صينية مدهونة بشوية زيت وأدخلها الفرن
تتحمّر من الجهتين وتصير ذهبية ومقرمشة )


- بطاطس رفيعة مقلية ( استخدم البطاطس المجمدة لآنها مقطعة وجاهزة 
كل اللي عليّا إني بس أقطعها بشكل رفيع أكثر ..يعني الحبة الوحدة أرجع أقطعها 
من النص عشان لما اقليها تصير كريسبي ومقرمشة ) 


(3) :
مقادير الصوص : 

2 ملعقة كبيرة دبس الرمان 
عصير ليمون - زيت زيتون - ملح 


الطريقة | How We Make it

نخلط المجموعة الأولى .. بعد ما نكون قطعنا كل شي وقلينا الباذنجان
نبدأ بخلط مقادير الصوص ..،أول شي نخلط الليمون + الدبس + الملح
بعد كدا وإحنا قاعدين نخلط نصب الزيت زيتون بشكل بطيء حتى يصير
الخليط متجانس ونضيفه على السلطة ونخلطها كويس

- لا نضيف الصوص الا قبل التقديم مباشرةً
- نعدّل في الملح قد ما نحس انها تحتاج ..
نسكب السلطة في زبدية بعدها نحط التوست المحمص على حواف الزبدية
والبطاطس المقلية نخليها في النص ..






^ كدا شكل التقديم .. 




^ وهنا Zoooooooom 
وبالهنا والععآفيةة على قلوبكمْ.." 

Read More

وعدتُكِ أن لا أُحِبَّكِ..

وعدتُكِ أن لا أُحِبَّكِ..
ثُمَّ أمامَ القرار الكبيرِ، جَبُنْتْ
وعدتُكِ أن لا أعودَ...
وعُدْتْ...
وأن لا أموتَ اشتياقاً
ومُتّْ
وعدتُ مراراً
وقررتُ أن أستقيلَ مراراً
ولا أتذكَّرُ أني اسْتَقَلتْ...

وعدتُكِ..
أن لا أكونَ ضعيفاً... وكُنتْ..
وأن لا أقولَ بعينيكِ شعراً..
وقُلتْ...
وعدتُ بأَنْ لا ...
وأَنْ لا..
وأَنْ لا ...
وحين اكتشفتُ غبائي.. ضَحِكْتْ...

وَعَدْتُكِ..
أن لا أُبالي بشَعْرِكِ حين يمرُّ أمامي
وحين تدفَّقَ كالليل فوق الرصيفِ..
صَرَخْتْ..

وعدتُكِ..
أن أتجاهَلَ عَيْنَيكِ ، مهما دعاني الحنينْ
وحينَ رأيتُهُما تُمطرانِ نجوماً...
شَهَقْتْ...

وعَدْتُكِ..
أن لا أكونَ بأيِ مكانٍ تكونينَ فيهِ..
وحين عرفتُ بأنكِ مدعوةٌ للعشاءِ..
ذهبتْ..

وعدتُكِ أن لا أُحِبَّكِ..
كيفَ؟
وأينَ؟
وفي أيِّ يومٍ تُراني وَعَدْتْ؟
لقد كنتُ أكْذِبُ من شِدَّة الصِدْقِ،
والحمدُ لله أني كَذَبْتْ....


وَغَدْتُكِ..
أن لا أُتَلْفِنَ ليلاً إليكِ
وأنْ لا أفكّرَ فيكِ، إذا تمرضينْ
وأنْ لا أخافَ عليكْ
وأن لا أقدَّمَ ورداً...
وأن لا أبُوسَ يَدَيْكْ..
وَتَلْفَنْتُ ليلاً.. على الرغم منّي..
وأرسلتُ ورداً.. على الرغم منّي..
وبِسْتُكِ من بين عينيْكِ، حتى شبِعتْ
وعدتُ بأنْ لا.. وأنْ لا .. وأنْ لا..
وحين اكتشفتُ غبائي ضحكتْ...

لـ نزار قبآني

Read More

آفات العرب ثلاث ...:

^

ولو نقعد نعد ونحصي البلآوي اللي جآتنا من سوء تدبير وتفكير وتفسير العرب حنتعب."

مشآكل وبلآوي مالها نهآااااااااية والمشكلة الحلول موجودة وقاعدة تُطبّق في العالم

وإحنا باقي ندور في حلقة .. والمصيبة الإصرار ع الخطأ والتمادي فيه ..

" المرأة السععودية "

كآئن شغغل االعالم واللي سآعد على كدا العالم اللي عندنا بصصرآحة

وكأنو مافي قضية ولا شي في هالبلد الإ المرأة ..

البنت راحت ..البنت جآت .. البنت اشتغلت ..البنت عصّبت ..البنت أكلت ..

البنت شربت ..البنت نامت..البنت تثائبت ......الخ

وكأنو مشاكل الرجال ومصايبهم إنتهت ..!!!!

أتوقع الكل سِمع او شآف المقطع اللي انتشر للشباب

اللي تحرّشوا بالبنات ... واللي ماشافو يشوفه .. :)

^

قريت كثيييييييييير من التعليقات ع الموضوع في اكثر من صحيفة الكترونية

والملآمة اغلبها كانت ع البنات ..

ليش متبرجات ..؟ ليش خارجين لحالهم ..؟ يستاهلوا ...!؟

اي وحدة تخرج لحالها هادا اللي بيصير ...!!

طيب سؤال بريء ..!؟ 

دحين إحنا نبغى بس نععرف إحنا عايشين مع حيوانات وإلا اودام.؟

ولا احد يقووول شي طبيعي يصير هالشي لآنو البنات متبرجات وما اعرف ايش ...الخ

أنا مو مع تبرج البنات او عدم الإحتشآم ..بس انو يصير كدا عشان بنات كانو كاشفات..!!!

خير ياطيييييييييييييير .. ليش كلآب مسسعورة اللي قدامهم ..!!

فين غض البصصصر ..! فين العقووول الكآملة اللي ذبحونا فيها

وإنو إحنا ناقصآت عققل ودين ومن دا الكلآم ..!!

دحين الله سبحانه وتعالى ليش اعطى القوامة للرجال ..؟

ليش وضع العصمة والطلآق في يد الرجال ..!؟

مو لآنو المرأة عاطفية و الرجل أكثر تحكم بعقله من المرأة ... !!

ليش في امور العصمة وتحكم الرجل في امور المراة حتى الخآصة

نسسمع هالفلسفة ..!! وانو الرجال قوّام وإنو يحكّم الأمور بعقله ..

ولما تصير مثل هالمواقف على طوووووول اللوم يُلقى على المرأة ..!!!

فين عقل الرجال ..!!!

كون إنو أي بنت متبرجة هادا أبدأ مو عذر للهمجية اللي قآعدة تصير ..

عشآنها متبرجة هادا يديكك الحق إنك تتحرش فيها..ّ؟ وتضايقها ..!؟

فين عقلك ..!؟ ودينك .؟ وتربيتك ..؟ وإنسانيتكك ..؟

- تمشي كآشفة + متبرجة دا شي مايخصصك .. خليكك في اهل بيتكك

ومالك دخل في بنات العالم والنآسْ..

واذا ع التبرج ترا حتى البنات المتسترات تعرضوا للتحرش + والإغتصاب + والخطف.

أي احد من الجنسين يتحرش بالتاني المفروض انو ينجلد جلد الحمير

وإنتو بالكرامة عشان يتربى.. واللي ماتربى تربيه الحكومة

سواءً بنت او ولد ..واللي عايش كأنو حيوان حيصير بني آدم بالقوة ..

هادا رأئي...!

......................

" قيآدة المرأة للسيآرة "

ازعجتونا بهالموضوع وقرفتونا والله وفوق كل هادا فضحتوونـــــــــــــــــــــــــا

اللي يحلل ويحرّم من كيفو ..! واللي يفتي بفتوة ما اعرف من فين جابها

وإلا من أي دليل شرععي حتى ..!

وعآالم والله العظيم تهدد لو انو وافقوا للبنت إنها تسوق حيخرجوا يغتصبوا البنات

بأي حق ..!!!؟؟؟

^

يعني دحين كل نساء العالم يسوقوا وما حيأثر إلا علينا

وبعدين أبغغغى أفهم إنتا شيخ وإلا دكتوووور ...!!!؟ 

والله العظيم فضحتوووووووونااااااااااااا

الصحف البريطانية والفرنسية صارت تكتب عنا وتتكلم

من هالفتاوى والأقاويل اللي صارت تططططلع

والسبب بس عشان الواحد يخدم رأيه وقضيته ...!!!!

صرنا معرووووفين ومشههورين بالفضايحْ..

.......

في عالم محتاجة انها تسووق وفي عالم شايفة انو بناتها يسوقوا افضل

الف مررة من انهم يروحوا مع سواقين او مع لموزينات .. وفي عالم يشوفوا

انو مررة مايبغغوا بناتهم يسوقوا ..

القضية سهلة جداً..!!

اللي مايبغى اهلو يسوقوا لا يخليهم يسوقوا ...! 

مين بيجي يسحب اهلك من بيتهم ويجبرهم ع السواقة ..

كل شخص من حقو انو يسوي الشي اللي مقتنع فيه

بس مو من حق أي شخص وخصوصا اذا كان عالم او شيخ

يجي يتكلم بإسم الدين او الطب او المجتمع بس عشان يثبت رأيه ..!

خلآااااااااااااااااااااص مو ناقصنا فضايح والله ..

......................

آلآحظ أي قرار يخص المرأة لآزم يكون الرد عليه " معــــــــــآرض "

المرأة تشتغل! .. لآ

المرأة تسوق ّ!.. لا

المرأة في مجلس الشورى! ...لا

المرأة تآكل ...! لا

طيب تشرب بس ...! كمآن لا ..

> 

اعتراض على طوووول من دوون ادنى تفكير حتى والدليل ... اللي تحت ..

"

وجهوا هجوماً شديداً والدعاء غير المحمود على الوزير والوكيل التخيفي ..
50 شخصاً تواجدوا في مقر وزارة العمل للاعتراض على عمل المرأة في المحلات النسائية

"

اللي قالوا ماينفع إختلآط ..واللي قالو فتنة ..واللي قالوا ما اعرف ايش..

ابغغغى افهم شي واحد فين الإختلآط هنا .. 

اهاااااا انتو تقصدوا عشان المحل جوات المول ..

طيب وخير ياطيييييييييييييييير ..

المهم انو المكآن اللي تشتغل فيه مايدخل فيه جنس رِجال..!

وإذا دخل اي رجال يكون مع اهله .. وإلا ساعتها OUT

واذا ع الإختلآط ترا أماااااااااااااااكن كثييييييييييييييرة فيها إختلاط أسوأ من كدا 
واللي قال حرااااااااااام وما اعرف ايش ..

لو فيهم واحد فعلا يفكّر من منطلق الدين ع الأقل

كان شاف انو عمل البنات في الأماكن النسائية يحفظ لنا خصوصيتنا ..

وإنو أفضضضل الف مررررة من وجود الرجال اللي صاروا حافظين حتى

مستلزماتنا الخآصصصصة ..

لآااااا والوقاحة صار الواحد يقولك ايش هوا مقاسكك كمان ...!!

ليش مافي ولا احد من اللي عارضوا الموضوع اول ماصدر فكّر في هالنقطة ..!

اعتقد انو السبب معرووووووف ...

آفآتْ الرجِال السعوديون ثلآث : سوء التفكير وسوء التدبير وسوء التفسير ..

^ وحتى لو ماكانوا كل الرجآل... بس للأسف العدد اللي ظآهر للعيآن

كان كآفي إنو يشوه سمعة البقية .. وسمعة الدولة كمآن ..

 + 

Read More

أشكال الجسم | Body Shapes

صبآحْ / مساء الخير ع كل الحلوين 
وكل اللي يهمهم يكونوا حلوين .." 
+ وبأحلى طلة كمآنْ.." +
تدوينتي اليوم خَص نَص لنفسي قبل ماتكون لكم
كلنا نروح السوق واي قطعة تعجبنا نشتريها من غير
مانفكر حتى اذا هيا حتكون حلوة علينا او لآ ..!!؟
اوقات كثييييير وانا متأكدة انو اغلبكم مر بهالموقف انو نشوف وحدة تانية
لآبسة نفس القطعة وطالعة حلوة عليها ..!! ؟؟ كيف ..!؟ 
لآنها احلى منكْ..!؟ لا مو دا السبب ..اوقات تكوني انتي أحلى صح والا لا 
بس بالرغم من دا كلو طالعة عليها أحلى ..!؟
قطع الملآبس ماتفرّق بين الحلو واللي مو حلو ..> بالرغم من انو كلنا جميلين


"إن الله جميلٌ يحب الجمآل"
بس المشكلة عند بعض البنات انهم مايعرفوا يظهروا نقآط جمالهم 
او ماعندهم الخبرة في دا الشي او حتى يجهلوا هالنقطة .."
وانا أعتبرها النقطة المهمة والأساسية اللي ينطلق ويعتمد عليها كل شي..! 

س/ ليش القطعة اللي اشتريتيها ماكانت لآيقة عليكي وكآنت لآيقة على غيرك ..؟

لآنها ناسبتها وماناسبتكِ..كدا ببساطة ..

والسبب ..!؟ هوا دا اللي حأتكلم عنه بالتفصيل تحت تدوينة الجمآل هالمرة
+ تجيكي المناسبات والأعياد > وعيد الأضحى قّرب فحاولوا ماتخلوا العيد عيدين 
تلقي البنات لآبسين قطع أبداً مو مناسبة لأجسآمهم 
او تلقي الوحدة لآبسة شي يليق ع البنت الطويلة ؟ والطويلة لآبسة شي يليق
ع البنت القصيرة ، البيضاء لآبسة شي يليق ع السمرا والسمرا لآبسة شي يليق ع البيضاء
ووحدة لآبسة شي مو لآيق لهيكل ولا شكل جسمها ..


ليش الجسم له أشكآل ..!؟؟

ايوا له أشكال وهوا دا اللي حأتكلم عنه إن شاء الله .." 
........................


البعض يعرف هالشي والبعض يجهله والبعض يعرف بس مو عارف
كيف يلبس بما يناسب جسمو ..وزي ماهوا مهم اننا نلبس الالوان اللي
تناسب بشرتنا فالأهم اننا نلبس الحاجات اللي تناسب جسمنا .. بعض البنات جسمها جميل 
بس مشكلتها انها ماتعرف تختار الشي اللي يظهر جماله والبعض الآخر جسمها فيه عيوب 
بس دائما لها طلة جميلة كيف..؟ لانهاتلبس القصات والالوان اللي تناسب جسمها 
وتغطي العيوب وتظهر جوانب الجمال عندها .. 
هادي شغلة جدا مهمة لآزم يابنات نعرفها ومانتجاهلها .. مافي شي اسمو انا القصة هادي 
عجبتني او الموضة هادي لآزم البس منها .. لأنو اولاً واخيرا كلنا نلبس عشان نطلع بشكل حلو

قبل كل شي إسألي نفسك هل تناسبني هالقَصة؟ هل يناسبني هالفستان ..؟
كثير نسمع اوقات انو احد يقولك انتي نحفانة او انتي امتليتي من ناحية وناحية لا ..
واحيانا ويمكن ع الأغلب وزنك ثابت بس لبستي شي اعطى شعور للي حولك 
انو في شي تغّير في جسمك ..
إمابطريقة سلبية او إيجابية ..!!؟




بشكل عآم والأغلب انو الجسم له 4 اشكال والبعض قسّمها ل5 اقسآم 
بس الغالب والملحوظة هيا 4 اشكال

الاشكال الاربعة هيّا :

1-المستطيل : Rectangle او الهزيل والبعض سماه بالموزة جسم الـBanana
او المسطرة Ruler

2- الكمثرى Pear أو المثلث Triangle

3- التفاحةApple

4- الساعة الرملية Hourglass

واللي اضافوا شكل خامس سموه : الرياضيAthletic اللي هوا الجسم اللي يكون رياضي
بحت يعني مع عضلات واضحة واكتاف عريضة ...ألخ > هآدا ماحأتكلم عنو لآنو مو موجود عندنا
والبعض اعتبروا انو الجسم الرياضي والمستطيل لهم نفس الخيارات ..

أنا حأتكلم عن الأشكآل الأربعة اللي في الصورة تحت "





^ " حأتكلم عن كل شكل بصورة مفصّلة عشان كل وحدة تتعرف على شكل 
جسمها بشكل واضح فاللي حآبة تستفيد من التدوينة ياليت تقرأ الشكل اللي هيّا
شافت انو مطابق لمواصفاتها عشان يصير عندها فكرة واضحة عن الأخطاء او الحاجات
اللي لآزم تعدلها "

تابعو التدوينات اللي بعد هالتدوينة 

وتعرفو على أشكال أجسامكم و الأزياء المناسبة لها.. 

Read More

الأزياء المناسبة لجسم شكل المستطيل |Rectangle او الهزيل اوالموزة الـBananaاو المسطرةRectangle

[ شكل المستطيل |Rectangle او الهزيل اوالموزة الـBananaاو المسطرةRectangle]




اصحاب الشكل المستطيل تكون الأكتاف عريضة او صغيرة والظهر طويل ،الخصر متوسط او صغير 
ويكون مو محدد او مرسوم او بمعنى اصح يعني ما فيه كثير انحناءة الخصر المعروفة
والبعض الآخر مافيه أي انحناءة زي المسطرة
، بشكل عام الجسم المستطيل مافيه منحنيات كثيرالساقين والذراعين نحيفة وطويلة ،
بنية الجسم هزيلة ، المفاصل صغيرة ،الصدر نوعا ما مسطّح او صغير 
حجم الورك حيكون متناسب مع حجم الصدر او الجزء العلوي وممكن يكون اكبر بشي بسيط
فالخصر حيكون فيه انحناءة احياناً بس مو زي انحناءة خصر الجسم اللي يشبه شكل الساعة الرملية ، 
> مو شرط كل هالمواصفات تكون موجودة في جسمك..
ممكن بعضها فقطحتعرفي من خلالها انو جسمك له الشكل المستطيل ..!! 


هالشكل هوا اللي مرغوب عند المشاهير وعارضات الأزياء..
مثل نيكول كيدمان | Nicole Kidman و جوينيث بالترو | Gwyneth Paltrow 
وكاميرون دياز | Cameron Diaz










بشكل عام اصحاب الجسم المستطيل تناسبهم اغلب القصآت الدارجة
لانو في تساوي مابين جزئهم العلوي والسفلي
لكن مع كدا لآزم يختاروا القصات اللي تخلق لهم منحنيات في جسمهم 
الفساتين والتنانير | dresses and skirts



- طبعا زي ماقولنا مهمتك هنا انك تخلقي منحنيات في جسمك وتحاولي تبرزي منطقة
الخصر وخصوصا اللي اجسامهم لها الشكل المستطيل من دون خصر نهائياً..
فإذا كنتي لآبسة فستان فضفاض حاولي تضيف له حزام
زي الشكل رقم 1 بالشكل دا حتحددي منطقة الخصر عندك وحتصير هياالبارزة..

- ملابس بألوان زاهية و اشكال هندسية و مشجرة او فيها طبعات
زي الشكل 3 أ وخطوط افقية بس ابعدو عن الخطوط الرأسية
لأنها حتعطيكم طول اكثر وشكل مستطيل اكثر وهنا حتصير الكارثة ..

- اللون الاسود يفضّل مايكون غالب في كامل اللبس يعني
مثلا تجي وحدة تلبس فستان كامل اسود او معطف طويل اسوود
بالشكل دا اظهرت عيب جسمها واللي هوا انو مافي أي انحناءات عندها
لآنو زي ماهوا معروف الاسود يخفي العيوب كثير .. العيوب اللي زي الصدر يكون كبير
او الخصر يكون عريض واللي جسمها مستطيل لا عندها لا دا ولا دا .فتخيلوا كيف حيكون شكلها..!!؟
إلبسي اسود بس مايكون كامل اللبس اسود.
زي الفستان رقم 4 الفستان مو كله اسود من فوق فيه قصة جميلة
والخطوطاعطت شكل لجسمها

-اي شي يكون ضيق على خصرك او من تحت الصدر للخصر حيكون مناسب
جدا لجسمك ..وخصوصا اذا كان ضيق من فووق وفضفاض من تحت
زي الصورة رقم 2 .. اعطت شكل جمييل لخصرها ..





-ابعدي عن الفساتين اللي بشكل عام يكون لها لون واحد وضيقة من فووق لتحت ..
او لازقة بالجسم وزي ماقولنا ابعدي عن الخطوط الرأسية سواءً في الفساتين او التنانير
^ يعني كل اللي في الصورة فووق مرة مايناسبك :(




^ وكل القصات والموديلآت اللي هنا مناسبة لجسمك :)




-ركزي ع التنانير اللي مشجرة او فيها اشكال هندسية واللي كمان فيها طبقات
وكشكشة حتعطيكي حجم من اسفل .. كل اللي في الصورة فوق
حيكون لآيق على شكل جسمك ويظهر جماله




^ هالنوعية من التنانير أبداً ماتناسب هيكل جسمك لآن بعضها فضفاضة وحيضيع
جسمك فيها والبعض التآني ضيق ولازق ع الجسم وحيظهر هيكل جسمك النحيل
وكمان تنانير اللي خصرها نازل ابعدي عنها ودا شي مرة مو كويس :(




البناطيل | Pants



- تقريبا اغلب قصات البناطيل حتكونمناسبة مع هالنوع من الجسم
بس يفضّل التركيز على البناطيل اللي فيها رسومات وتفاصيل مثلا جيوب كبيرة على الورك ..



او الجينز اللي يكون ضيق من عند الورك حيعطي شكل للورك وتحديد للخصر..
وكمان عندك الجينز اللي يكون فضفاض من تحت جميل جدا عليكِ.."



- تجنبي البناطيل اللي مرة فضفاضة لانها حتعمل تناسب مابين اجزاء جسمك
وحتبين انو الجزء السفلي اعرض من الجزء العلوي ودا الشي اللي مانبغاها ..
وكمان البناطيل اللي وسطها عالي عشان حتبيّن انو جسمك نحيل ومافيه تفاصيل





^ هالنوعية من البناطيل مناااااسبة جدا جدا لجسمك :)




البلايز والتي شيرتز |Tops



بالنسبة للبلآيز البسي أي شي يكون فيه قصة ، شكشكة ، ياقة ، طبقات ..الخ
كلها حتكون مناسبة انها تضيف لكِ شكل وحدود ومنحنيات لجزئك العلوي
وحتعطي شكل انحف لخصرك ..



- انتبهي تكون الشكشكة مثلا او الطبقات في البلوزة واصلة لحد الخصر
لانوكدا حتعمل شي عكسي وهيا انها حتبين انو خصرك صغير ..
حتى البلوزة بنفسها لا تكون تحت خصرك لانها ماختضيف لك اي تفاصيل او انحناءات ."-لازم تكون الطبقات او الشكشكة مرتفعة عن خصرك..





-كمان الدانتيل والتفاصيل اللي تكون على طول منطقة الكتف والأكمام
حتعطيكي شكل جميل لجسمك..




^ كمآن هالنوع من الجاكيتآت مو مناسب لكِ لآنو اذا كانت بنيك نحيلة
حتضيعي فيه وحيخفي كل تفاصيلك بسهوولة .."
لأنها بإختصار حتكون كبيرة على حجم جسمك .."

+ امثلة مصورة للبلآيز + التي شيرتات + الجاكيتز المنآسبة لكِ :)




















الاكسسوارات | Accessories




الاكسسورارت من الحاجات اللي ممكن تضيف حجم لجسمك ممكن تلبسي قلادة كبيرة
على صدرك حتعطي حجم للصدر بالاضافة كمان لحمالات الصدر المبطنة كلها تساعد
في اعطاء حجم لصدرك.
- السكارف الملون والمنقوش حول رقبتك حيضيف منحنى جميل للجزء العلوي .
بشكل عام الاكسسواريز اللي لها حجم حتكون مناسبة عشان تعطيكي حجم من اعلى ..




-بس ابععدي عن الحقائب اللي تكون طويلة وتوصل للخصر ..
لانها حتركز النظر على خصرك وتخفي شكله..
الحقيبة اللي في الصورة مناسبة لكِ لونها فاتح + فيها حجم
-بس كمان لا تلبسي الشنط اللي حجمها ضخم مرة..
عشان ماتصير اكبر من حجم جسمك وتبيّنه انو هزيل أكثر
ويصير شكلك كأنك شايلة شي ثقيل ."
-بالنسبة للأطراف او رسغك حاولي تبتعدي عن الاساور الكبيرة لآنها حتبين انو
يدك ورسغك نحيف وهزيل ..البسي الاساور الناعمة والبسيطة لانها هيا الأنسب..








الأحذية | shoes
إختيارات الأحذية لدا الجسم واااسععة بس اذا كنتي مرة نحيفة الافضل انك تبتعدي
عن الكعب العالي وخصوصا الرفيع لآنو حيعطيكي شكل كأنك عامود .. وحيكون شكلك محرج ..
-من ناحية تانية الاحذية العالية اللي يكون فيها شرايط تتربط ع الكاحل مناسبة جدا لهالشكل
من الجسم لانها تعطي حجم للساق ..وتبآن كأنها اقصر .." 





-البوتز الطويل اللي يوصل للركبة كمان ممتاز مع هالشكل لانو حيشكل تقسيم حلو للجسم ..



[ تنسيق مقترح ممكن يساعدك ] 

Read More