دجاج كاري مدراس بجوز الهند ♥




^ وصفتي لليوم لمحبي الأكل الهندي 
هالوصفة أخذتها من مدونة شخص اسمو [ التوب شيف ]
عجبتني كثييييييييييييير وطعمها لزييييييييييييز ولا أحلى ..
ولد أختي يجي عندنا من الريآض أدمن على هـالإيدآم .. 
كل مايجي يقوول " خآلة تكفين ابغغى الإيدآم الهندي " > 
الوصفةة سهههلة بالرغم من البداية تفتكروا انو تفاصيلها كثيرة 
بس مرررة سههلة وما اشووف انها تآخذ وقت كثيييييييييير في الطبخْ.." 


حبة حبة شوفوا معايا المقادير وركزوا > 


المقادير | Ingredients 


مقادير الكاري مدراسْ | 
الكآري مدراس هو بهارات معينة يتم تحميصها وخلطها مع بعض
طبععاً هيّا مو مخصصة لهالإيدام بس ..كمان مناسبة لأطباق كثيرة 
ممكن تلآقوها جاهزة في السوبرماركت .. بس ماحيكون فيها نكهة fresh
او طآزةة.. ومقاديرها سههلة وتحضيرها في البيت ولا اسهل 
والكمية تطلع معاكم كثيييييييرة وتكفيكم فترة طويلة 
بالإضافة إلى انها حتكون طااااااااااااااازة ومنكّههة .. 
نجي للمقادير اللي حنحتاجها ..


كوب بذور كزبرة ، نص كوب بذور كمون ، ربع كوب بذور شمر
ربع كوب فلفل مجفف مكسر ارباع ، ملعقتين كبيرة حبوب فلفل أسود
ملعقتين صغيرة بذور الحلبة ، ملعقتين بذور الخردل ، ملعقتين كبيرة ورق كاري
ملعقة كبيرة كركم مطحون > اللي هوا البودرة 


الطريقة | في مقلآة صغيرة نحط البهارات كلهآ إلا الكركم المطحونْ 
نحمّص البهآرات على حرارة متوسطة حتى نبدأ نشم ريحتها ..
بعد كدا نشيلها من فوق النار ونخليها على جنب الين تبرد شوية
بعد ماتبرد نطحنها كويس .. بعد كدا نضيف لها الكركم المطحون 
ونخلطها .. ونحفظها في علبة لوقت الحآجة .. وبكدا نكون خلصنا البهاراتْ..


مقادير الكآري |
8 أفخاذ دجاج مقطعة مكعبات ، بصلة مقطعة قطع صغيرة ، سمن او زيت ( يفضّل سمن )
عودين قرفة طولهم 2 سم ، ملعقة صغيرة بذور خردل ، 2 ملعقة كبيرة زنجبيل مقطعة صغيرة
5 فصوص ثوم مقطعة قطع صغيرة ، ملعقة كبيرة معجون طماطم ، ملعقة صغيرة حبوب فلفل اسود
علبة حليب جوز الهند أو بودرة جوز الهند > اذا استخدمتو البودرة ذوبوها في مويا
زي ماهوا مكتوب على العلبة > انا استخدمت البودرة 
ملح ، 3 ملاعق كبيرة بهارات كاري مدراس > اللي عملناها 
كزبرة مفرومة + شوية منها للتزيين .. 


الطريقة |


- نسخن القدر على حرارة متوسطة ونخليه يسخن دقيقتين تقريبا 
- بعد مايسخن نحط السمن وبعدها الدجاج مع رشة ملح ونطبخ الدجاج بدون تحريك كثير 
حتى يتحمر شوية ( تقدروا تستبدلوا الأفخاذ بالصدور بس انتبهوا من ناحية 
انو الصدور كل ماخليتيها تطبخ اكثر او زيادة عن اللزوم حتصير قاسية 
فكونوا حذرين وقت طبخ الصدور ..انتبهولها من وقت للثآني عشان ماتطبخ زيادة عن اللزوم )
- ننزل حرارة النار شوية ونحط البصل + عيدان القرفة + بذور الخردل + الزنجبيل + الفلفل الأسود
ونطبخهم مع بعض الين يذبل البصل وتطلع ريحة البهارات 
- بعدها نحط الثوم + بهارات الكاري مدراس + معجون الطماطم ونطبخهم مع الدجاج شوية
بعدها نحط حليب جوز الهند ( خلو شوية مررة من الحليب على جنب عشان التزيين ) 
[ العلبة الكبيرة البودرة تبع جوز الهند انا شخصيا استخدم بس نصها 
واذوبها في مويا يمكن تقريبا حوالي كوب ونص .. لاني مرة استخدمت 
كمية كبيرة من البودرة فكان طعم جوز الهند مررة طاغي .. وحسيت انو الإيدام 
مررة ماعجبني .. بس نص العلبة كانت كافية والطعم مررة مافيه اي نكهة جوز هند
واللي يآكل الإيدام آخر شي يتوقعو انو فيه جوز هند .. عشان كدا انتبهو لكمية البودرة اللي تضيفوها ... ]
- ننزل الحرارة بحيث يكون الإيدام يغلي على غلية جداً خفيفة ، نخليه يطبخ الين 
يثخن الصوص ويستوي الدجاج ويصير ليّن ..
- نذوق الملح والبهارات ونعدّل الطعم على حسب الرغبة .. 
- نطفي النار ونضيف الكزبرة المفرومة ونخلطها مع الإيدام .. 
- نسكب الإيدام في الطبق ونزينه بقطرات حليب جوز الهند + الكزبرة المفرومة 







^ انا اقدموا مع رز أبيض .. 
او تقدرو تقدموها مع " خبز النان " وهو نوع من انواع الخبز ..


وبالهنا والشفا ..