صبآح / مسسآء الجممآلْ 
كيفكككم آل قصصة إن ششاء الله الكل منيح 
>> عنندي حأجات كثيييييييير ابغى اتكلم فيها واتشاركهآ معاكم
بس ما اعرف ليش ماعنددي وقت 
وعلى طووول احس انو مايمديني .. 
لو تعرفوا انو هالموضوع اشتغلت فيه من قبل يومين 
وكل يوووم اقووول بأنزله وما يمديني ويسرقني الوقت 
لكن اليوم صممّت إنو لآزم ينزل اليوووووم وإلا اليوووم 

قبل كل شي ...!!! 
( اللي مهتمة بهالموضوع ياليت تقرا كلآمي بالتفصصيل عشان 
تفههم كل حاجة انا قاعدة اقووولها ..طيب )
الحاقة القميلة اللي ابغغى اههرج عنههها 
اللي هيا الـ : Terracotta
والتاركوتّا معناه بالعربي " النحت " 
يعني زي نحت التماثيل والمجسمات وغيره 
وتراكوتا الميك آب المقصوود فيه نحت الوجه > مو بآلات النحت 
النحت يكون بإستخدام الميك آب وخصوصا بمستحضرآتْ مخصصّة لهالموضوعْ
والنحت الغرضْ منه إبراز ملامح الوجه مثلاً حابية نبرز الأنف اكثر 
او الخدود بحيث انو تكون ملآمح الوجه بارزة ومرسووومة ..
بصصراح اششوف انو التاركوتا صار مهم ويعطي اطلالة جمييلة وعصرية لوجهك
وخصوصا خصوصا خصوصا في الميك آب البرونزاج ..




أككككثر ماركة انا اعتبرها جميلة ورائدة في شغغلة البرونزاج والتاركوتّا 
هي ماركة " غيرلان " اللي ابتككرت مجموووعة كآملة للنحت والبرونزاج 
وفي ماركات تانية بس ماجربتها .. ولا عندي فككرة عنها 
>> لاني في النهاية ما حاتكلم اللي عن اللي جربته 
زي ما انتو شايفين في الصورة اللي فوق 
هي عبارة عن بودرة غيرلان للبرونزاج والتاركوتا واسمها :
بودرة "تيراكوتا فور سيزونز" Terracotta 4 Seasons
تجي بأربع الوان في نفس العلبة تكون متدرجة عششان تساعدك 
على وضع اللون المناسب في كل منطقة من مناطق الوجه 
وكمان عششان تناسب جمييع الوان البششرة ..
حاتكلم عنها اكككثر بعدين بس اول شي 
حابة اتكلم عن فكرة التاركوتا عشان تكون واضحة اككثر 
وايش المقصصود فيه .. وايش الفائدة منه ..! 



أكثثثر إننسانة تقريباً دائماً الميك آب تبعها باررز والكل 
يبغى يعععرف كيف يتعمَل هيّا " كيم كارديشيان "
شوفوا معايا الصصورة عششان تعرفوا أكثثر عن أيش اتكلم



أبغغاكم تدققوا كثيير على وجه كيم من اليسار من دون ميك آب 
وعلى الصورتين اللي حآطة فيها ميك آب ..
ممكن البعض يقوول اكيد حتختلف الطلتين .. ..! 
لكن الاختلاف اللي انا ابغاكم تلآحظوه مو وضعها للميك آب ..لا .لآ
ابغاكم تركزوا على ملامح وجهها وتقسيماته 
لآحظوا معايا كيف من دون ميك آب واضح كانه ممتلئ شوية 
ومع الميك آب اللي يشوفها يقول كأنها نحفانة او وزنها أقل 
والموضوع مو كدا .. الفككرة كلها في طريقة وضع الميك آب 
وهوا بإستخدام التاركوتّا او نحت الوجه .. 





لآحظوا هنا في الصورة اللي فوووق 
ع اليسار الرسمة توضح طريقة نحت الوجه 
والمناطق اللي تحطي فيها 
اللي بالبني هادي المناطق اللي تحطي فيها التاركوتا او بودرة النحت الغامقة 
وهيا المناطق اللي تساعد على برووووز ملآمح الوجه ورسمه وتخليه اكثر تحديد..
اللون البيج : هآدي المناطق اللي تحطوا فيها الآساس الفاتح 
او الاضاءة .. وفي الاغلب يستخدموا كريم اساس بدرجة افتح عشان
يعطوا اضاءة لهالمناطق ..
يعني حيصير في مناطق فاتحة ومناطق غامقة 
وبهالشكل كأننا ننحت الوجه من جديد ونرسم ملآمحه ..

لآحظوا صصورة كيم في الجهة اليمينْ
حتصيروا تلاحظوا اكككثر مناطق الاضاءة ومناطق النحت الغامققة
وكيلف فعلا عملت فررق في ملامح الوووجه وتقسيماته 
واعطت مظهر عصصصري وروووووعةة .. 



وعششان تعرفوا أكككككثر كيف تعملوا التاركوتا تابعوا هالمقطع 
حيفيدكم كثييييييييييييييير .. وتتعلموا منه كيف يصير وكيف النتيجة 
اللي حتخليكم تحسّوا انو الميك آب اللي كنتوا تعملوه مافيه أي إحترافيةة >> زي بعض الناس ههههه


+ هنا على البشرة البيضاء او الفاتحة :



+ هنا على البشرة السمراء > عشان تعرفوا انه يتعمل على كل انواع البشرة
وأياً كان شكل البنت .. البنت السمراء اللي تحت مو داك الجمآل 
وهادا مو عذر انو الوحدة ماتتبع الأساليب اللي تعطيها جمال 
وتغيّر من ملامحها للأفضل .. والتاركوتا يعطيكي هالنتيجة القميلة ..



هنا حاتكلم عن تجربتي وطريقتي فيه .. ..الخ .."
اول حآجةة هآدي صصورة العلبة اللي أشتريتها ..








^ هآدا لونها الطبيعي 
بعد ماصورتها اول شي في الغرفة ونسيت انو الضوء كان اصصفر
ولونها طلع متغيّر فرجعت صورتها في ضوء ابيض >> هههه
السعر : 300 وشي
ما انا متأكدة كأنو 330 او 329 في هالحدود >> نسيت والله 
بس مايبعد عن هالسسعر ..







^ اللي انا اشتريته هوا نفسه اللي اول واحد من اليسار فوق 
لآنه اكككثر واحد الوانه مختلفة ومتعددة
اقدر استخدمه كـ بودرة نحت و بلاشر " احمر خدود "
طبعا كل وحدة لها حرية الإختيار .. بس بصراحة اعتقد انه افضل 
دررجة للنحت وهوا نفس الدرجة اللي استخدمها على الموديل 
اللي في اول فيديو فوووق .. 
اماا البقية حسيت انو درجاتها تنفع كبودرة اكككثر من انها بودرة تاركوتا
وزي ما انتو كمان ملآحظين لونها في الطبيعة اغمق من اللي في صورة العرض
واعتقد انو البقية كدا كمان شوفتها في المحل اغمق .. 
+ والإختيار راجع لكم طبععاً




طيب حاتكلم عن حآجة تانية جداً مهمة وهيا الفونديشن او كريم الأساس 
>> ( وكمآن لآنو مهم مع التاركوتّا عشان كدا حأتكلم عنه دحين )
يابنااااااااااااااااااات كل شي تساهلي فيه في الميك آب او اختاري نوعية جيدة 
إلا كريم الأساس جدا جدا مهم انه يكون ممتاز ويغطي العيوب 
من اسمه كريم أساس يعني هوا أساس نجاح +ثبات الميك آب تبععك 
ما اعتقد وحدة فيكم تبغى لون بشرتها يتغيّر في نص المناسبة او السهرة 
او تحس كأن الميك آب بدأ يرووووووح مع مرور الساعات 
والسبب صدقوووني هوا كريم أساس غير جيد ..
وعشان تعرفي ان كريم الأساس ممتاز جربيه على معصمك 
لآزم تحسي انه خفيف + غطى عيوب بشرتك وصارت متناسقة + مايفتح بشرتك كثير
الكثير من البنات تفتكر انو كريم الأساس لآزم يفتحها اكثر من درجة عن لون بشرتها الأصلي 
وهآدا غلــــــــــــــط ....
ممكن يعطيكي تفتيح بمقدار درجة تقريبا وهوا حيكون تناسق اكثر من انه تفتيح
وهادا هوا دور الأساس .. انه يناسق بشرتك مو يفتحها ..





ملآحظة Note : قبل كل شي كمانا .. وبما اني بدأت اتكلم عن مستحضرات 
وعن الميك آب .. وانو كل وحدة لآزم تستخدم اللي يناسبها 
انا لووون بششرتي زي لون ريحانا وكيم كردشيان في هالصورتين 





^ بغغض النظر عن لونهم الأصصلي او اختلاف الوانهم في بعض الصور
بسبب الإضاءة او المكآن اللي هما فيه ..
بشرتي شبيهة بدرجة بشرتهم في هالصور ..
عششان كدا الألوان اللي تناسبهم سواء في الصبغات او الملآبس 
اختارها واعرف انها حتناسبني أكييييييييد >> ما اتعب يععني  
وبناءً على كدا اي شي اضيفه في مدونتي من الوان للميك آب وغيره 
حتكون تناسب بششرتي 

+ فـ ياليت كل ووححدة تراعي لوون بششرتها وتختار اللي يناسبها 




+ نرججججع لموضووووع كريم الأسسآسْ..
أنا اشتتتريت كريم اساسْ من غيرلآن ..
> أحس انو الأساس تبعهم والبآودر قمييلة 
ممكن تستخدموا الماركات اللي تناسبكم 
بس انا جربت الأساس من غيرلآن ..
صح أسععارهم يمكن طالععة شوية بس المنتج يستحق بصصراحة
ع الأقل اشتروا الأساس غالي والباقي مو مشكلة خذوا 
مستحضرات ( ارواج ، بلآشر ، ....الخ ) تكون جيدة .. 
لآنو زي ماقولنا الأســــــــــــــآسْ أهم شي ..

+ كريم الأساس اللي اشتريته هوا دا : 




السسعر : 277 ريال
وزي ماتلآحظوا في عامل حماية من الشمس بنسبة 20%
وهآدي حاجة كمآن مهمة في كريم الأساس ..




وهآدي درررجة الأساس : 03
واللون : بيج طبيعي




......

+ تجربة على رسغ يدي :






لآحظوا ان الجهة اللي مافيها أساس واضح فيها تفاصيل البشرة 
والمسامات وغيره 
وبعد ماحطيت كريم الأساس صارت متناسقة أككثر 
ولو تلآحظوا كمان مافي إختلاف كثييير عن لون بشرتي الأصلي 
كل الحكاية انو عمل تناااااااااسق اككثر للبشرة 
وهادا هوا المغزى والمطلووب من كريم الأساس 
نبغى البشرة متناسقة ومندمجة مع بععض مو فاتحة ..


+ وهنا على يدي ..




+ صوووووورة أققققربْ .. 




^ ملآحظين التناسق اللي عمله 
وكمان حتى مافتح يدي كثير يادوووب دررجة وحدة 
والبشررة واااضح انها طبيعية ومتناسقة ومندمجة وجاهههزة لوضع الميك آب 
>> اقصد اذا كان على الوجه طبعاً 
هنا حأتكلم عن طريقتي في النحت .. 
والحاجات اللي استخدمها .. 
+ اول حاجة اغسسل وجهههي طبعاً واحب ارطبه قبل كل شي
يععني احط كريم أولآي للنههآر .. او الليل اذا كنت خارجة في الليل ..
المهم لآزم ارططططب بششرتي عششان اي حاجة احطها بعد كدا 
تكون سهل انهها تتوزع .. 
حتى شفايفي ما انساها من الترطيب 
>> نسيت كمان اصصور المرطب اللي استخدمه
إن شاء الله اصوره لكم في وقت تآني بإذن الله 
بعد كدا عني شخصياً كريم الأساس اللي تكلمت عنه فووق احب 
استخدمه لمناطق الإضاءة .. يعني المناطق اللي محددة 
انها تكون مضيئة في نفس التقاسيم اللي موضحة في صورة 
كيم كرديشيان في اول رد لموضوع التاركوتا ..

استخدم كريم الـ BB بدل كريم الأساس .. 
اللي استخدمه هوا كريم ببي من ريميل RIMMEL"






سعععره : 40 ريال 
وفيه كمآن عآمل وقاية بنسبة 25 % 
شخصياً حسيت انه ناسبني ويتوزع بسسهولة على بشرتي 
وما احس انه ثقيل ممممرة .. 
بعد ما اوزع كريم الببي ..واطبطب عليه شوية بيدي ..
احط لمسة بودرة خفيفة على كآمل وجهي 
عني استخدم هالبودرة من اتش آند إم ..





>> نسيت سسعرها =)

بعد كدا أجيب كريم الأساس اللي تكلمت عنه فووق 
وأبدأ احط منه بإستخدام اصابعي في المناطق اللي المفروض تكون فاتحة 
يعني اول شي كريم الببي بعد كدا البودرة وبعد كدا كريم الأساس 
احطه بس في مناطق الوجه اللي تكون مضيئة ..
زي ماهوا واضح في الفيديو وصورة كيم .. 







بععدها اجيب بودرة النحت من غيرلآن 
وأبدأ انحت وجهي بنفس الطريقة اللي شفتوها في الفيديوهات اللي فوق
وكمان في نفس المناطق اللي موضحة في صورة كيم وكمان في الفيديوهات ..


شخصياً أستخدم هالفرششة من اتش آند إم 





وسسعرها : ناسية والله بس اعتقد بحدود الـ 29 ريال 
هيا لها طرفين مختلفين >> نسيت اصوّر الطرف التاني 
>> ايش دا الشغغل اللي أبو كلب ههههه
الطرف التاني جآي كدا مشطووف يعني نفس شكل الفرشة 
اللي نستخدمها في رسم عين القططة 
^ بس ع العمموم هوا دا الطرف اللي انا استخدمه اللي شايفينه في الصصورة ..
أبدأ أوزع بووودرة النحت الغامققة فيها ..
+ بعد مانحت وججهي وخلّصت ارسم حواجبي 
واعمل الآي لآينر وكل شي انا ابغى اعمله ...الخ
+ دحين نبدأ ندمج خطوط النحت الغامقة مع باقي الوجه 
بطريقة ناعمممة وخفيفة حتى تختفي تدريجيا 
بس في نفس الوقت تكون المناطق بارزة ..
>> الفيديو كان واااااااااضح جدا في الششرح 
انا ادمج خطوط النحت مع باقي الوجه بإستخدام هالفرشة من اتش آند إم 





سععرها : 39 ريال 
حلوووة وكتكوته ومنفووشة وتساعد كثيير في عملية التوزيع والدمج 
+ بس انتبهوا مو تدمجوا الين تخفوا خطوط التحديد بالمرة 
بنكون ماعملنا شي .. 




بعد كدا اغطي وجججهي ببودرة برونزاج من اتش آند إم كمآن ..
عششان تععطي ططلة برونزية أككككككثر 



سعرها : كمان نسيت والله
بس أظن 50 وشي ..
>> رميت الفاتورة ونسيت الأسسعار 
اذا لآحظت بععد ماحطيت البودرة البرونزية انه مناطق التفتيح او الاضاءة اختفت نوعا ما 
ارجع احط شوية من الأساس على اطراف اصابعي واحطها في المتاطق
اللي ابغاها تكون مضيئة خصوصاً تحت العين .. واطبطب عليها شوية شوية الين تندمج 
مع بااااااقي الميك آب .. 
غالباً اذا عملت طلة برونزية احب استخدم هاللونين من البلآشر 
اشتريتهم من ريميل RIMMEL "





سععرهم : بـ 34 ريال 
اللي ع اليمين لونه : لآيف بنك رقمه 150 
واللي ع اليسار لونه : كورال رقمه 190
احب احط اول شي اللون البنكي على خدودي من تحت لفوووق 
وبعد كدا احط فوووقه اللون الكورال او اللي جاي على خوخي ..
في الواااااااااان ارووااج محددة احب استخدمها مع اللوك البرونزاج 
>> إن شاء الله اصورها لكم في وقت تاني 
وبكدا اكووووون عملت طططلة برونزية 
إن ششاء الله تكونوا استفدتوا من هالتدوينة
+ وسامحوني ع القصصور او اذا نسيت شي =)