قبل فترة رووحت انا وولد أختي السسووق 
وانا راجععة للبيت شوفت محل للمخبوزات الفلبينية
قولت خليني اددخخل واشووف ايش عندهم 
ماشاء الله مهيئين الجو وكأنكك في الفلبين 
>> اغنية فلبينية + عاملين فلبين 
المهم قعدت اطب واتخيّر على قولتهم ..
كل ماحطيت عيني على شي ينصحني ويقول :
ما اعتقد انك حتحبي الطععم لانو اكلات خاصة بالفلبينيين 
هما اللي بس حيستسيغوه بس .. السعودين ماحيعجبهم..

كان ودي اقووله اجل ليش فاتحين المحل >> 
بس المحل كان قريب من مستشفى وكدا يعني ينفع 
للممرضات >> حسوا انهم مظلومات 

^ طبععا المحادثة بينه وبيني كانت بالانقلش الأخ مايتكلم عربي 
في النهاية نصحني بصنفين بس قال انو مديره السعودي يشتريهم
وقال ممكن تناسببك .. 

اللي هيا هآدي : 



وهآدا شكلهم من جوا .. > الأخت عاملتلها قههوة مستعدة للتجربة 




^ طيب نجي لنتائج التجربةة ..  
اللي ع اليمين اللي هوا الكيك لزيييز ماعليه 
هل حأشتريه مرة تانية ؟ يس يس ليش لا ..  
في حاجة في اسفل الكيك كريمية ما اعرف ايش هيا بس لزيزة 
...

امّا اللي ع اليسار >> ما اعرف كيف اووصف الطععم 
اصلا المفرووض ماكان اجربه من يوم ماشوفت المقادير 
( سكر + بصل + ثوم + وخرابيط كثيرة ....)
ولد أختي يقوول طعمه كأنو " كِشنة " >> زي لما نعمل كِشنة كبسة او ايدام 
> ولد اختي عليه وصف يقتتتل  

انا شخصيا حسيت كأني آكل عجينة مو مستوية .. 
هل حأشتريه مرة تانية ؟ لا والف لا .. ولو اشووف الفلبيني باضربه  
>> أحد قالك تشتري عشان تبطلي لققآفة