الأزياء المناسبة لجسم شكل الكمثرى | Pearأو المثلث | Triangle

شكل الكمثرى | Pearأو المثلث | Triangle 

شكل جسم الكمثرى او المثلث هو اللي شائع بين النساء يعني اكثرية النساء
جسمهم يميل الى انو يكون بهالشكل .. وهوا انو عندهم قياس الورك يكون أكبر، 
مع أكتاف ضيقة والخصر محدد وعندهم منطقة الصدر صغيرة او عادية 
بس كمان المنطقة السفلى تكون اكبر واعرض..
يعني تلاقيها تلبس مثلا قياس M من فوق للبلآيز والجاكيتات وتلبس L
من تحت للبناطيل والتنانير.. والخصر في هالشكل يعتبر ميزة قوية ..
وكثير يغلطوا في اجسامهم ويعتبروا انو لها شكل الساعة الرملية
ودا غلط ..ذوات شكل الساعة الرملية بالعادة تكون اكتافهم اعرض ومتناسبة 
مع الجسم السفلي بينما اللي جسمها ع شكل الكمثرى الجزء السفلي 
اعرض من الاكتاف ..يعني نقطة ضعف هالشكل
هوا الجزء السفلي في عرض الورك والمؤخرة..

-مثال على هالنوعية من شكل الجسم من المشاهير

من اليسار لليمين .: جنيفر لوبيز J. Lo ،صوفيا فرغارا Sofia Vergara ، اليشيا كيز Alicia Keys

بشكل عام اللي جسمها شكلو زي الكمثرى حتركز على اظهار التناسب 
بين الجزئين العلوي والسفلي فـ حيكون عليها انها تلبس الالوان الغامقة
من تحت عشان تعطيها منظر انحف وتلبس الالوان الفاتحة من فووق ..
-واذا حتلبس شي مخطط تلبس الخطوط الرأسية وتبعد عن الأفقية
يعني الخطوط اللي بالطول هيا المناسبة لها عشان تعطيها شكل انحف
والخطوط الافقية حتعطيها شكل اعرض للمنطقة من تحت.
يعني هيا تكون عكس شكل ذوات الجسم المستطيل..

الفساتين والتنانير | dresses and skirts

بالنسبة للفساتين اختاري اللي تكون ضيقة من تحت الصدر الين الخصر وتكون 
فضفاضة من تحت ..عشان تبرز الخصر وتغطي حجم الورك 
- تجنبي الفساتين اللي يكون فيها شكشكة او طبقات
كثيرة من تحت لأنها حتديكي حجم للورك إلا اذا كانت طبقات خفيفة فهنا ممكن لا بأس..

^[ كل هالموديلآت لآيقة عليكِ..]

-الطول المثالي للفساتين انها تكون لحد الركبة تقدري تلبسي تحت الركبة اذا كنتي طويلة مرة

وتلبسي اقصر بس بشرط انك تكوني لآبسة tights بألوان غامقة اللي 
هيا الشراريب الضيقة لان الساقين
تعتبر في هالشكل نقطة ضعف فما ينفع تلبسي مرة قصير من دون أي 
تغطية غامقة تعطي شكل انحف ..

-موضة الخمسينات هيا الانسب لهالشكل منالجسم 
لانها تجيكي ضيقة من فوق وواسعة من تحت..
زي ما انتي شايفة في الصورة اللي فوق ..الأنسب انك تلبسي توب او تي شيرت او بلوزة 
بلوون فاتح ..لآن اللون الأسود حيعطيكي شكل أنحف من فوق ..
وهالشي ماينفع مع شكل جسمك .."

-طبعا مافي أي مشكلة انك تلبسي ملابس مشجرة او منقوشة او ملونة 
وخصوصا للجزء العلوي زي ماقولنا..
^ بس مو بنفس القصآت اللي فوق .. لان كل هالإستايلات 
ماحتكون لآيقة مع تشكيلة جسمك ..

بالنسبة للتنانير ..، تنانير الـ High-waist او ذو الخصر العالي مثالية لهالجسم
بشرط انو التنورة تكون غامقة + مو ضيقة يعني واسعة نوعا ما .."

فـ حتبرز شكل الخصر بشكل حلو وتعطي انطباع بنحافة الجزء السفلي من جسمك..
بس كمان البسي من فوق قطعة تكون فاتحة عشان يصير في تناسق
مابين الجزئين العلوي والسفلي ..
-تنانير الـ bubble skirt اللي تجي منفوخة من تحت وقصيرة او الى حد الركبة 
كمان مناسبة لهالجسم ..واذا كان عندك امتلاء في الفخذين
فأكيد من الأفضل انك تلبسي تنورة للركبة او تحت بشي بسيط ..
عشان تخفي مناطق الامتلاء عندك..

^ التنانير اللي هنا مو مناسبة لهيكل جسمك .
بس الهآي وست اللي ع اليمين حتكون مناسبة اذا لبستيها بشكل مناسب
وهوا انك تلبسي قطعة فاتحة من فوق عشان تخلقي التناسب بين الجزئين
وإلا ساعتها حتكون مو مناسبة لكِ..

البناطيل |Pants

-البسي البناطيل اللي تكون شوية واسعة من تحت وحاولي تبعدي عن الاسكيني

والبناطيل الضيقة من تحت لكن اذا حبيتي تلبسي اسكيني نسقي معاه من فوق بلوزة تكون
A-line tops اللي هيا تجيكي من تحت فضفاضة او مو ماسكة ع الخصر وتكون كمان
اطول من خط الخصر بشوية عشان يصير في تناسق مابين الجزء العلوي والسفلي ..

-كمان بناطيل الـ High-waist مناسبة لهالشكل من الجسم لأنها تظهر جمال الخصر..

-حاولي تتجنبي البناطيل اللي يكون فيها جيوب كبيرة على منطقة الورك او تكون 
منفوخة من فوق مثلا زي بناطيل سندباد عشان ماتعطي حجم لهالمنطقة ..

-اختاري دايما البناطيل الغامقة وابعدي بقد ماتقدري ع الفاتحة لانها حتظهر حجم هالمنطقة
ودا يعتبر عيب وقتها في جسمك..

-طبعا مافي مشكلة من لبس البناطيل القصيرة في حال لبستي معاها كعب عالي
عشان يعطي طول ونحافة للساقين والفخذين..

Tops| البلايز والتي شيرتز

^ هالشكل من التوبز مرة مناسب وحلو لتفاصيل جسمك العلوية .. :)

الافضل انك تبتعدي عن التوبز او البلايز والتيشيرتات والجاكيتات اللي توصل لحد الورك

لانك بهالشكل تلفتي النظر لحجم الورك..
-كمان تجنبي اللي توقف عند الخصر او تحته بشوية لانك بهالشكل حتخفي
ملامح خصرك ..واذا لبستي تي شيرت بهالشكل اضيفي عليه سترة عشان 
تعطيكي حجم وتناسب.

^-بلايز الـ Peplum tops مرة خيار ممتاز لهالشكل من الجسم لانها تعطي الورك شكل انحف .
البلآيز اللي بأكمام وياقات كبيرة كمان مناسبة لجسمك 
الجاكيتات اللي تكون فوق خط الورك بكمبوصة مناسبة لكي كمان لانها تعطي 
طول للساقين ونحافة للفخذين.

^ هنا التوبز اللي مناسبة لكِ واللي مو مناسبة ..]

طبعا مافي أي مشكلة انك تلبسي بلايز بقصات مختلفة مثلا على شكل الـV او الـ U

[ جآكيتز مناسبة لجسمك ]

الاكسسوارات | Accessories

-الإكسسوارات المعدنية والأحجار الكريمة والخرز واللؤلؤ والحلقان اللي تكون منسدلة او طويلة 
وكمان اللي مصنوعة من الريش والسلاسل الكبيرة والسكارفات الملونة 
كلها حتكون مناسبة لجسمك .:)

الأحذية | shoes

الأحذية العالية كلها حتكون مناسبة كثيير لآنها حتخلي ساقك تبان انحف واطوول

بس تجنبي البوت اللي يوصل للكاحل وكمان البوت الطويل اللي يتعدى الركبة 
لانها حتلفت النظر لمنطقة الفخذ وخصوصا اذا كونتي ممتلئة ..لكن البوت اللي 
حيكون طوله تحت الركبة مناسب لجسمك..

[ تنسيق مقترح ممكن يساعدك ]

Read More

الأزياء المناسبة لجسم شكل الساعة الرملية| Hourglass

شكل الساعة الرملية| Hourglass






شكل الساعة الرملية يعتبر الشكل النموذجي واقرب مايكون للكمال لانو في تناسق مابين
الجزء العلوي والسفلي فـ ذوات هالشكل يتميزوا بـ إنو الوركين والاكتاف لهم نفس العرض
والخصر يكون نحيل ، الساقين نحيفة ، واذا امتلئت صاحبة هالجسم فغالبا ماتتوزع الدهون 
بشكل متساوي في انحاء جسمها يعني حتلاقوا بنات ممتلئات بس جسمها له هالشكل 
وبالرغم من امتلائها مازالت محافظة على تفاصيل جسمها الخصر واضح ورسمة الاوراك والأكتاف 
كمان واضحة..
وبالرغم من انو الجميع يعتبره الشكل المثير لكنه مو اسهل شكل في اللبس

+ مثال ع المشاهير اللي جسمهم كالساعة الرملية من اليسار لليمين : 
سكارليت جونسون Scarlett Johansson ، وكيم كاردشيان KimKardashian
وصوفيا لورين Sophia Loren









وفي غيرهم كثير زي : سلمى حايك Salma Hayek ومارلين مونرو Marilyn Monroe 












بالنسبة لشكل الساعة الرملية ابراز الخصر اهم نقطة فيه .واننا نسلط الضوء على منحنيات هالشكل 
بس من دون المبالغة طبعا فـ صاحبة هالجسم لازم تكون حذرة في إختيار القصات المناسبة ..
شفتوا قد ماهو شكله جذاب بس حيكون صعب في الملآبس L خلونا نعرف اكثر بالتفصيل.




الفساتين والتنانير | dresses and skirts






- بشكل عام من الصعب اننا نلقى الفستان المناسب مع هالشكل لانو اذا كان الفستان 
مناسب من عند الكتف والورك فممكن مايكون مناسب من عند الخصر ويضيف له حجم 
ونفس الشي ينطبق على البلآيز و البناطيل العالية الخصر ..





- بس حاولي اكيد تبتعدي عن الفساتين الفضفاضة مرة واللي مربعة يعني مالها
قصة او تحديدات ، وركزي ع الفساتين اللي تكون منسدلة من تحت 





-تقدري تسلطي الضوء على خصرك بأنك تضيفي حزام للفستان . 





وتقريبا كل الخامات حتناسب جسمك كمان ابعدي عن الفساتين اللي تكون
مطرزة ومزينة بشكل مبالغ لانها حتعطي جسمك حجم ..
بس اللي في الصورة فوق مناسبة لكِ سواء من خامة او استآيل .."





^ هالنوع من الفساتين الفضافضة هوا اللي مناسب لكِ سواءً كونتي نحيفة او ممتلئة .."




 




بالنسبة للتنانير تقدري تلبسي أي نوع وتنانيرالـ highwaist جدا جميلة لهالشكل من الجسم 
-الأفضل انك تبعدي عن تنانير الـ Low waist لآنهاحتعطي حجم اكبر لمنطقة الخصر ..
- افضل نوع يبرز جمال هالشكل هيا تنانير الـ pencil skirt زي اللي في الصورة فوق ..، 
حتكون جدا ملآئمة لجسمك وتظهر انوثته ...







البناطيل |Pants




صآحبة هالجسم تظهر بشكل روعة في البناطيل بس لآزم تختاري المقاس المناسب 





-تقدري تلبسي البناطيل الجينز اللي واسعة من تحت بس مو مرة فضفاضة اللي تكون واسعة 
عند الساقين وتوصل بشكل مستقيم الين تحت









^ [ تشكيلة بناطيل + تنانير + سترة وكلها مناسبة لجسمك =) ]


- كمان زي ماقولنا في التنانير بناطيل الـ highwaist جدا ممتازة مع شكل جسمك..
بالرغم من انو الجينز مو هوا افضل خيار لهالشكل بس تقدري تكوني جميلة بالجينز ،







- ابعدي عن البناطيل اللي يكون فيها جيوب كبيرة او زخارف مبهرجة عند الورك 
لانها حتعطيكي حجم اكبر لوركك ، اذا كانت منطقة الورك والفخذين شوية ممتلئة
فالأفضل انك تختاري الالوان الغامقة عشان تديكي شكل انحف ، 
- وكمان كوني بعيدة عن البناطيل الفضفاضة...
^ اللي في الصورة فوق يشرح بشكل واضح البناطيل اللي تبدي عنها 
والبناطيل اللي مناسبة لجسمك ..:)







البلايز والتي شيرتز |Tops











وزي ماقولنا من البداية التركيز حيكون على الخصر وكمان على خط الرقبة حتى في البلايز 





- تقدري تضيفي الأحزمة لها بالاضافة لقصة الـV ، 





- البلآيز الطويلة بشكل عآم اللي توصل لتحت الورك تناسبك ،


- أسوأ شي ممكن تعمليه انك تغطي منطقة الصدر اكثر من اللآزم 
يعني ابعدي عن البلآيز او حتى الدراريع اللي تكون قصة الرقبة مرتفعة
لآنها حتعطي انطباع انو صدرك مرة نازل على عكس حقيقته 


[ تشكيلة متنوعة من البلآيز والجاكيتز اللي تناسبك واللي ماتناسبك ]



















الاكسسوارات | Accessories









أي نوع اكسسواريز اكيد حيكون روعة 
- بس تجنبي انك تلبسي سلاسل كثيرة تغطي خط الرقبة 
وخصوصا السلاسل الطويلة اللي توصل لتحتالصدر، 
بس السلاسل الطويلة اللي توصل للبطن مرة كويسة
وحتبرز انحناءات جسمك ، السلاسل اللي تجي حول الرقبة ممتازة لكي كمان ..، 





وزي ماقولنا لا تنسي الأحزمة 
اعتبريها صديقتك بس انتبهي لا تحطي الحزام على الورك لانو حيعطيها شكل عريض 
خليه ع الخصر عشان تبرزي جماله 







الأحذية | shoes









الـ High heels او الكعب العالي مالك غنى عنه ابداً حيعطي ساقك شكل انحف 
ويبيّن جسمك انو رشيق ، بس تجنبي اللي عالي مرة مرة .. 
لانو حيبرز المؤخرة عندك اكثر من اللآزم .. 





^ الكعب اللي من قدام مفتوح كمان جميييل لجسمك .."





-كمان ابعدي عن الأحذية اللي يكون لها احزمة نحيفة عند الكاحل 
زي اللي في الصورة فوق 


 




- تجنبي البوت اللي يجي فوق الركبة او اللي تجي لنص الساق 

لأنها حتعطي انطباع انو ساقك عريضة ،







[ تنسيق مقترح يمكن يساعدك ]

Read More