أدري كثير منكم شاف كلمة مايونيز وصار وجهه كدا >  
نفس وضععي أول ما قريت الوصفة في أحد المنتديآت .. 
بس من دحين أقولكم اذا ماجربتوها حتندمو ندم فزيييييع > 
المايونيز ما تعودنا نضيفه وسط الوصفات بس طلع خطييييير 
ويعطي فررررق كبيييييييير ومستحيل احد ما يلآحظ هالفرق 
ولا تخافو أبداً ما حيكون في لا طعم ولا ريحة ولا اي أثر للمايونيز ..
الكل حيذووق الكب كيك وكل اللي حيلآحظو الهشاشة الخورافيةة 
وحيسأل عن السرّ وكل اللي عليكم
إنكم تلعبو بأعصابهم وتخلوهم يخمّنو > زي ما سويت أنا 

وآخر شي ممكن يتوقعوه إنو فيها مايونيز .. 
بس جد جد جربوها وحتدعولي 


نبدأ في المقادير | Ingredients


"طبعا المقادير وخصوصا في الحلويات لآزم نكون دقيقين ونستخدم
الملآعق والأكواب المعيارية .لأنها مو زي المعجنات خبّص يطلع كويس > انتبهو "


نص كوب + 3 ونص ملاعق أكل دقيق
ربع كوب + 2 ملعقة أكل كاكاو
نص ملعقة شاي بيكنج صودا
ربع ملعقة شاي باكينج باودر
ذرة ملح
بيضة كبيرة
نص كوب + 2 ملعقة أكل سكر
ملعقة حلى فانيليا
نص كوب+ 2 ونص ملعقة أكل مايونيز
ربع كوب + 3 ملاعق أكل ماء


♥♥♥♥♥♥♥♥♥♥♥♥♥♥♥


الطريقة | HOW To


-أول شي ننخل المقادير الجافة مع بعض [ الدقيق+الكاكاو +الملح+نوعين الخميرة]
- نخفق البيضة مع السكر والفانيليا حتى نحصل على خليط باهت
- نضيف المايونيز ونقلب حتى تختلط المقادير
- نضيف خليط الدقيق مع الماء بالتناوب
[ يعني مرة شوية دقيق ومرة شوية مويا الين يخلص عندنا المقدارين ]
نصبها بعد كدا في قوالب الكب كيك وندخلها في فرن متوسط الحرارة الين تستوي .


♥♥♥♥♥♥♥♥♥♥♥♥♥♥♥


للتزين كريمة النوتيلا | مقاديرها

نص كوب نوتيلا - ملعقة طعام حليب سائل - واحد وربع كوب سكر بودرة
اصبع زبدة ونص أبو 100 غرام الصغيرة .. وهيا تعادل ثلاث ارباع الكوب..


الطريقة | HOW To

نخلط جميع المقادير مع بعض دفعة وحدة
الين يصير عندنا كريمة خفيفة وكريمية ..
نزيّن فيها الكب كيك بعد مايبرد طبعا ..
ونزين الكب كيك على ذوقنا..




^ انا هنا زينت الكب كيك على شكل بومة ..
جبت حبات اوريو وفتحتها وحطيتها فوق الكريمة
بعد كدا جبت حبات الام اند امز وحطيت حبة فوق كل قطعة اوريو
عشان اعمل شكل عيون .. وحطيت حبة في النص عشان تكون منقار البومة ..
احس انها صارت تشبه دا الفيس  > هههههههه 




^ وهنا زينتها بطريقة تانية بسيطة 
طبعا طرق التزيين وااااااااااااااااااسععة وترجع للذوق الععآم
إن شاء الله تكون الوصفة عجبتكم 



+